Сите скандали во режимот на Груевски, Заев ги достигнал и престигнал во изминативе четири години, вели градоначалникот Гостивар Арбен Таравари за „Утрински брифинг“, зборувајќи за случувањата околу бегството на Сашо Мијалков.
Повеќето граѓани го знаат одговорот дека одредени центри на моќ кои што имаат влијание во земјава, кои што одамна гледаат дека правната држава е минато време и кога се гледа дека се прави циркус, знаат да реагираат и да интервенираат. Така што биномот Заев и Мијалков кои што беспрекорно функционираат, во последниот театар што го играат заедно стварно беа смешни. И кога даваат изјави изгледаат смешни.
Ја потценуваат интелигенцијата на народот и стварно е несериозно еден човек кој што 2015-2016 година ја ставаше раката на срце и оставаше впечаток на еден чесен граѓанин, сега е еден близок другар на Мијалков, изјави Таравари.
