Денеска за внатрешно- политички потреби реагираше бугарскиот претседател Румен Радев кој ја критикуваше Владата на Бојко Борисов дека не успеала да ја претстави позицијата на Бугарија за Македонија пред западните партнери.
Но незадоволството е се поприсутно и во Македонија. Деновиве експлицитно искажан револт од односот на европската заедница кон Македонија во спорот со БугаријаДеновиве доаѓа и од страна на лидерот на НСДП Тито Петковски, инаку коалициски партнер на Власта.
Тој за Слободен печат го потврдува ставот искажан и со својот фејс бук статус и вели дека не е толку многу изненаден од состојбата на духот во бугарското општество, колку од односот на земјите-членки кон Македонија и кон процесот на проширувањето на ЕУ, а осбено од ставот на Германија.
„Со вметнувањето на зборовите “фалсификувана историја” во преговарачката рамка, Германија направи диверзија на преговарачкиот процес на Македонија со ЕУ и нашето членство во ЕУ го направи невозможна мисија. Тој потег на Германија го разбрав како обид на мала врата и на зелена маса да и го обезбеди она што Бугарија го изгуби во Втората светска војна.“ смета Тито Петковски.
И во разговор за Слободен печат Петковски потврдува дека Македонските шанси за преговори со ЕУ останаа во игра, благодарејќи на силното противење на Чешка и на Словачка.
Инаку повторувањето на синтагмата за постигнување компромис меѓу Македонија и Бугарија од страна на претставниците на ЕУ не ништо друго туку инсисирање на компромис на штета на Македонија, смета лидерот на НСДП.
ЕУ дефинитивно не е способна да го реши бугарско-македонскиот спор согласно меѓународното право, поради што, смета Петковски Македонија треба да почне да размислува за помош од ООН и за осуда на Бугарија за отвореното мешање во внатрешните работи на една суверена и самостојна држава.
Извор: Слободен Печат
