Трајанов: Дел од партиите кои сега соработуваат со СДСМ ќе застанат позади ВМРО-ДПМНЕ

- Advertisement -

Првиот човек на Демократскиот сојуз, Павле Трајанов не ја исклучува можноста некои од помалите политички партии да ја променат страната и да застанат зад опозицискиот блок ВМРО-ДПМНЕ по неуспешниот обид за промена на власта преку Собранието.

-Сега сме 12 политички партии што претходно сме соработувале со ВМРО-ДПМНЕ, а сега сме со СДСМ. Како што се движат процесите, мислам дека дел од овие сега многу брзо ќе се престројат и ќе одат на друга страна, рече Трајанов во „Само вистина“.

Откако претседателот на ВМРО-ДПМНЕ, Христијан Мицкоски објави дека формирале ново парламентарно мнозинство заедно со Алијанса, Алтернатива, Движењето БЕСА и Левица, Трајанов во една прилика рече дека сега е отворена „берзата“ на пратеници.