Уапсена Русинка, Украинка и Србинка во угостителски објект во Жеровјане – ова се деталите

- Advertisement -

Ноќеска (21.12.2021) околу 01.30 часот, полициски службеници на СВР Тетово извршиле контрола во угостителски објект во тетовско Жеровјане, сопственост на 31-годишниот А.А. од Боговиње, при што затекнале и привеле три странски државјанки, А.У.(24) од Русија, О.К.(33) од Украина и Ј.Г.(28) од Србија, поради сомнение дека го злоупотребиле туристичкиот престој, односно дека престојувале спротивно на целта.

Тие биле задржани во Полициската станица Тетово за натамошна постапка.

Исто така, во објектот бил приведен 26-годишниот гостиварец Е.Ф., кај кого бил пронајден и одземен нож и на кој ќе му биде изготвен соодветен поднесок по член 80 од Законот за оружје.