Попладнево Апелациониот суд во Скопје одлучи во целост да го укине притворот за екс директорот на УБК Сашо Мијалков.
Апелациониот суд во тричлен состав од кој се дел судиите Тања Милева, Ѓоко Ристов и Енвер Беџети ја прифати гаранцијата на Мијалков.
Како гаранција екс директорот на УБК приложи 11 милиони евра, недвижен имот во хотелот Мериот, но и стан во Капиштец.
Мијалков се наоѓа во притвор во затворот во Шутка од февруари годинава, односно повеќе од 9 месеци.
Инаку на ваквата одлука на судот претходеше отвореното писмо на Бојан Јовановски во кое се потврдувам политичкиот прогон на членови, симпатизери и поддржувачи на опозицијата под закрила токму на премиерот во оставка Зоран Заев.
Нуклеарката на Јовановски ја стресе македонската јавност откако шоуменот потврди дека Заев лично тргувал со влијание и одлучувал за кој ќе се води кривични постапка и кој ќе оди во притвор.
Во писмото Јовановски го спомена и директно Мијалков истакнувајќи дека Зоран Заев извршил лично влијание и уцена врз Катица Јанева да бидат пуштени од затворски притвор Камчев, Мијалков и други лица кои се наоѓаа во притвор поради монтиран политички случај нарачан од самиот премиер.
