Договорот за набавка на четири нови електрични локомотиви е потпишан на 10.01.2017 година во рамките на проектот за обнова на возниот парк на МЖ Транспорт АД – Скопје во соработка со Владата на Република Македонија преку Министерството за транспорт и врски и ЕБОР (Европската Банка за Обнова и Развој).
На потпишувањето присуствуваа претставници на Министерството за транспорт и врски, Министерството за финансии, Македонски Железници Транспорт АД и CRRC Zhuzhou Electic Locomotive Co.,Ltd.
Инаку ова е втор договор што го реализираат Македонската влада и CRRC Zhuzhou Electic Locomotive Co.,Ltd, по оној за набавка на 6 нови патнички гарнитури. Инвестицијата која е вредна 8 милиони евра е финансирана од Европската банка за обнова и развој (ЕБОР), а се реализира во рамките на Проектот за обнова и развој на возниот парк.
Скоро три години подоцна од страна Железници на Република Северна Македонија Транспорт АД-СКОПЈЕ на 15.11.2019 година официјално е пуштена во сообраќај првата од четирите нови електролокомотиви, откако предходно била извршена контрола пред испорака во Н.Р. Кина, додека за другите три локомотиви директорот Орхан Муртезани изјави дека ќе пристигнат кон крајот на месец декември 2019 година.
