Медикаментот кој се повеќе го бараат болните од ковид, во земјава треба да пристигне од наредната недела. Од агенцијата за лекови велат дека зелено светло дале по барање на докторите, но дали и кога ќе се најде во аптеките, за тоа требале да одлучат надлежните.
По барање на докторите, пред неколку дена одобривме увоз на лекот фавипиравир во Македонија. Увозот е обезбеден од Јапонија и Турција, а во Македонија треба да пристигне во понеделник. На кој начин лекот ќе биде достапен до граѓаните, за тоа треба да одлучат надлежните.
Дел од матичните лекари велат дека имале пациенти кои на своја рака сакале да го набават лекот од Косово. Апелираат надлежните да го испитаат дејстовото на овој медикамент, а граѓаните да не го купуваат и конзумираат.
Засега лекот кој се уште го нема во македонските аптеки, пациентите на црно го набавуваат пред се од Косово по цена од 80 па се до 100 евра.
