ФИЛИПЧЕ: Утре ќе се одлучува дали викендов ќе има продолжен полициски час

- Advertisement -

Комисијата за заразни болести утре ќе има состанок на кој ќе одлучува како ќе се регулира движењето во текот на претстојниот викенд, изјави денеска министерот за здравство Венко Филипче на денешната прес-конференција.

Во текот на утрешниот ден ќе се знае дефинитивната одлука согласно стручните препораки, како за следните чекори на олабавување на мерките, така и одлука за тоа како ќе биде организирано движењето во текот на викендот.

Утре ќе се дискутира за претстојниот викенд и мерките ќе се предложат до Владата. Го најавивме отворањето на угостителските објекти и ги имаме предвид празниците за викендот и ќе ја знаеме одлуката по препораките на експертите утре, изјави Филипче.