28-годишна девојка што примила „Астра Зенека“ пред 6-7 дена од вчера е во болница поради тромботична реакција, изјави денеска министерот за здравство Венко Филипче кој беше во посета на поликлиниката „Јане Сандански“ каде што утринава почна масовната имунизација на лица над 77 години со вакцината на „Астра Зенека“.
Кај нас има еден случај на девојка која има 28 години и од вчера се наоѓа на болничко лекување со тромботичен ефект, се вакцинирала со „АстраЗенека“во Србија. Реакцијата се случила шест до седум дена после вакцинација, а таа нема нема претходни заболувања, истакна Филипче.
Тој посочи дека досега нема препорака дека нешто превентивно треба да се прават граѓаните кои се вакцинирале со вакцината на „АстраЗенека“.
Филипче уверува дека нема регистрирани несакани ефекти од оваа вакцина кај постарите лица, а нагласи дека во Македонија нема да се започне со вакцинација со „АстраЗенека“ на лица помлади од 60 години додека не се добијат сите анализи.
