- Advertisement -
- Advertisement -
Во хрватска Петриња, која утрово беше погодена од силен земјотрес, има оштетени згради и граѓаните се плашат да се вратат дома, рече градоначалникот Даринко Думбовиќ.
“Луѓето се на улица, постои паника. Има објекти кои се толку оштетени што граѓаните се плашат да се вратат внатре.Ќе се обидеме да најдеме решение за сите луѓе кои нема да можат да се вратат во своите домови”, рече Думбовиќ.
Тој рече дека штетата не е мала и дека очекува помош од секој што може.
Тој додаде дека е најавено доаѓање на претседателот и премиерот, Зоран Милановиќ и Андреј Пленковиќ.
Земјотрес со јачина од 5 степени по Рихтер утрово го погоди северозападниот дел на Хрватска, со епицентар на 12 километри југозападно од Сисак, во близина на Петриња.
