Постот можете да го сфатите политички, националнистички, пристрасно, негативно, критички, додуше како и да го сфатите вие сте во право, пишува на фејсбук Еко Илјаз за своето искуство во начинот на вработување во државните институции. Ова е уште еден доказ како власта ги пополнува работните места, на кои се примаат сите, освен оние кои се компетентни и кои навистина ги исполнуваат условите предвидени во самите гласи, но и пример за очигледна дискриминација на ромското население.
Еко Илјаз, на својот фејсбук профил го сподели своето искуство, кое, знаејќи ја состојбата во нашата земја, сигурно не е единствено. Тој се пријавил на оглас за на агенцијата за администрација на огласот број 164/2020 во ЈЗУ Универзитетска клиника за гинекологија и акушерство Скопје на работно место Самостоен референт – главен администратор (амбулантско лекување) – фактурист за амбулантско лекување, за кое било предвидено да се вработи лице од ромска националност.
„Се пријавив уредно на огласот и во I-та фаза добив 23,93 бодови а мојата конкурентка 17,49 бодови во моја корист, во втората II-та фаза јас добивам 30,25 бодови а мојата конкурентка 33,75 бодови, сеуште сум во блага предност пред мојата конкурентка од 2,94 бодови ама во III-та фаза од целата постапка наречено ИНТЕРВЈУ на кој што идам и кој што завршува за околу 7 минути а чекав подолго од 30-тина минути за да влезам поради Ковид процедурите и “СТРУЧНАТА КОМИСИЈА“ решила да ме бодува со следните бодови: Општи прашања 5 бодови, Прашања за општите компетенции 4 бодови, Прашања од посебните компетенции 4 бодови, Активно познавање на македонскиот јазик 2 бодови, Вкупно 15 бодови од можни 20 бодови. Мојата конкуретнка ги добива максималните 20 бодови и тоа: Општи прашања 6 бодови, Прашања за општите компетенции 6 бодови, Прашања од посебните компетенции 6 бодови, Активно познавање на македонскиот јазик 2 бодови, Вкупно 20 бодови од можни 20 бодови. За на крај во конечната ранг листа јас добивам 69,18 бодови а мојата “сонародничка Ромка“ Цојиќ Лилјана 71,24 бодови и со одлука да се вработи како припадник на ромската заедница“, појаснува тој.
Еко Илјаз, по неправедниот третман, и очигледната дисктиминација, одлучил правдата да ја бара преку жалба до надлежните органи.
„Значи ако сте во ситуација да се најдете во ЈЗУ Универзитетска клиника за гинекологија и акушерство Скопје побарајте ја Лилјана таа е ромка и сигурно ќе ви излезе в пресрет“, пишува Илјаз.
Толку од балансерот, жално ама вистинито е во кое дереџе се наоѓаме, сите наши ромски политичари и преставници кои се дел од Владата, дај не дежурете на социјалните мрежи, работете нешто вистински, барајте и договорете како што треба за својот народ, пред нос ги губиме работните места предвидени за нашата заедница и кој знае кога следно во некоја институција според тој балансер ќе дојде работно место предвидено за вистински ром/ка.
