Креативната Амбер Шол постојано мами нови обожаватели на социјалните мрежи со своите туторијали за творби кои чинат малку пари.
Нејзиниот најнов хит е „вечерен“ фустан направен со црни вреќи за ѓубре.
За него, таа била инспирирана од коментар во кој пишувало дека таа може да направи и вреќа за ѓубре да изгледа добро. „Ова е смешен DIY предизвик инспириран од вас. Ова сум јас, трудејќи се да направам фустан од вреќа за ѓубре. Евтино, лесно и забавно… совршен туторијал за матура или вечерно излегување…“ – пишува шеговито таа во описот на видеото на YouTube, кое за 3 дена има повеќе од милион прегледувања.
„Кога некој ќе ве нарече ѓубре, направете фустан од вреќи за ѓубре и докажете му дека е потполно во право“ – пишува таа на Twitter, каде нејзината објава има 39.000 допаѓања и речиси 10.000 споделувања.
Еве фотографии од процесот на создавање на фустанот:
Претходно, Амбер сними туторијал во кој трансформира обичен фустан од 4 долари во впечатлив матурски фустан.
