Во официјалната реакција на обвинувањата на грчката опозициска партија Неа демократија, грчкиот премиер Алексис Ципрас вели дека позицијата на грчката влада oтсекогаш била јасна. Предуслов за решение и интеграција на ПЈРМ во НАТО и во ЕУ е договор за сложено име со географска или временска одредница, за севкупна употреба, што претпоставува и уставни измени, пишува во реакцијата.
Неа демократија не треба многу да брза. Засега нема договор. Ако има договор Неа демократија ќе разбере и ќе ѝ треба долго време да најде аргумент против тој договор.
Сè што досега постои е одлуката на Светиот синод на Вселенската Патријаршија да ги спроведе неопходните чекори за задоволување на барањето на македонскиот премиер да го отстрани терминот „Македонија” од името на црквата на нашите северни соседи.
Затоа е добро Неа демократија и г-динот Мицотакис да покажат барем мала сериозност за вакви сериозни национални прашања“, се вели во соопштението (клик на зборот соопштение) од кабинетот на Ципрас.
