Во отчет за првите 100 дена од работата на ресорот што го раководи по изборот на новата Влада, министерот за информатичко опшеттсво и администрација Јетон Шаќири најави попрофесионална администрација со нејзино реорганизирање и со намалување на бројот на вработени.
Тој појасни и дека првиот вицепремиер Артан Груби им ги зголемил платите само на вработените во министерството за политички систем кои во меѓувреме се стекнале со дипломи од високо образование, иако се мислеше дека покачување добиле сите административци кои завршиле високо образование.
-Тоа е за поздравување, но засега тоа е само во неговото министерство. И другите министерства може да го направат тоа, но прво во структурната организација треба да планираат место со новите квалификации како што постапи министерството за политички систем, рече Шаќири, одговарајќи на новинарско-прашање.
