Компанијата „Џонсон и Џонсон“ во средата изјави дека повлекува пет од своите производи за сончање откако беше откриено дека некои примероци содржат ниско ниво на бензен, хемикалија што може да предизвика рак со повеќекратно изложување, пренесува АП
Засегнатите производи, спакувани во аеросолни конзерви, се спреј за сончање Aveeno Protect + Refresh и четири верзии за сончање Neutrogena: спреј за сончање Beach Defence, спреј за сончање CoolDry Sport, крем за сончање со невидлива дневна одбрана и заштитен фактор UltraSheer.
Повлекувањето ги вклучува сите производи без разлика на големината и заштитниот фактор. Производите беа дистрибуирани на национално ниво преку трговците на мало.
Гигантот за здравствена заштита рече дека бензенот е пронајден по тестирање од страна на компанијата и независна лабораторија. Истражува како хемикалијата влегла во производите.
Џ и Џ рече дека работи да се отстранат сите производи од полиците на продавниците. Тоа ги поттикна потрошувачите веднаш да престанат да користат креми за сончање и рече дека клиентите можат да си ги добијат парите назад со јавување во Центарот за грижа за потрошувачи на Џ и Џ J на 1-800-458-1673. Повеќе информации се достапни на веб-страниците за Неутрогена и Авеено.
Џонсон и Џонсон во изјавата рече дека употребата на овие производи не би се очекувало да предизвика негативни здравствени последици и дека доброволно одлучила да ги пкако поради мерка на претпазливост. Во соопштението се додава дека луѓето треба да користат алтернативен крем за сончање за да се заштитат од меланом на кожа.
Бензолот е многу запалива, широко користена хемикалија што е присутна низ целата околина. Може да предизвика рак со повекекратно изложување на поголеми онцетрации. Исто така, може да го оштети имунитетот и да спречи правилно функционирање на клетките, според американскиот Центар за контрола и превенција на болести.
Ефектите на хемикалијата варираат во зависност од тоа дали некое лице случајно ќе го вдише или го проголта или ќе го нанесе на кожата и облеката. Симптомите се движат од вртоглавица и неправилно чукање на срцето до конвулзии и, на многу високо ниво, смрт.
Џонсон и ЏОнсон, со седиште во Њу Бранзвик, Њу Џyерси, соопшти дека ја известила Администрацијата за храна и лекови за повлекување.
