Фотографија од девојче, пред продавница за време на пандемијата ги шокираше минувачите.
Мери Ен Реснедез сака да се придржува кон ограничувачките мерки поради пандемијата, но бидејќи е самохрана мајка, не може да го остава своето дете само дома.
Мери Ен ја носи ќерка си со неа секогаш кога треба да оди во продавница, па самохраната мајка неколку пати се соочуваше со срам, откако странци го сликале девојчето и објавувале фотографии на социјалните мрежи, коментирајќи дека е неодговорно една мајка да дозволи нејзиното дете да биде загрозено, а и другите луѓе.
Поради злобните коментари, Мери Ен залепи објаснување на грбот на нејзината ќерка.
“Имам само пет години. Не можам да останам дома сама. Морам да купам намирници со мајка ми ..пред да започнете да судите”, пишува на лист хартија, залепен на грбот на малото девојче кое е заштитено со маска и раквици.
Откако мајката објави фотографија од ќерката и објаснување, многу родители ширум светот кои живеат сами со своите деца и без дополнителна помош и’ дадоа поддршка на мајката.
