Премиерот Зоран Заев денеска изјави дека дал насоки да се нарачаат 100 илјади руски вакцини Спутник Вe против коронавирус.
„Во координација со министерот за здравство синоќа добив информација дека имаме капацитет, согласно планот за предвидување, склучените договори и платените аванси, да направиме дополнително и 100.000 дози нарачка од следна вакцина, којашто би го надополнила севкупниот план, а не би предизвикало да останат вишок вакцини согласно планот на Министерството за здравство. Така што да одговорам на прашањето: Дали би нарачал од ‘спутник’, да, дадов насоки, да се направи од таму нарачка, бидејќи има капацитет од дополнителни 100.000 дози. Сè што постои од вакцина, направивме нарачки, договори“, рече Заев, одговарајќи на новинарско прашање по посетата на компанијата ТАБМАК во Пробиштип.
