17 години и еден месец од денот кога модерната Македонска политичка „елита“ падна пред испитот да докаже дека има државнички капацитет, храброст и одлучност кога станува збор за националните интереси
Пред 17 години, на 23 јуни пристигна командата на тогашниот Врховен командант на вооружените сили на Р.Македонија Борис Трајковски за повлекување на војската и полицијата од селото Арачиново, кое беше обиколено од Македонските вооружени сили со цел да биде ослободено.
По барање на западната „партнери“, НАТО и ОБСЕ, терористите беа извлечени со автобуси од селото, а жртвите на Македонска страна не добија правда за злосторствата кои беа направени врз нив.
Тогаш и Собранието замириса на барут. Македонскиот народ гневен на предавничката и кукавичка одлука протестираше пред Собранието на Р.Македонија, цела ноќ се стрелаа предупредувачки рафали, но попусто. Стравот од губењето на сопствените материјални добра, беше посилен од стравот кај народот, па политичарите капитулираа.
