Поранешниот амбасадор и искусен дипломат Ристо Никовски, во своето гостување во Отвореното студио на телевизија Алфа жестоко го критикуваше Договорот од Преспа и политиките на власта предводена од Заев. Тој за Преспанскиот договор вели дека е катастрофална и историска грешка, а сегашниот период во кој живееме го окарактеризира како трагедија на македонскиот народ.
-Добро е што власта за заинтересира за проблем кој не мачи 25 години. Но, се друго што направија е катастрофална и историска грешка. Мислам дека живееме во период кој се окарактеризира како трагедија на македонскиот народ. Бидејќи има многу пропаганда, мислам дека треба да дадеме една дијагноза што ни се случува. Една од најавите на власта беше дека го зајакнуваат националниот идентитет, но после тоа се покажа дека тоа беше една чиста лага, истакна Никовски.
