За градоначалникот на Општина Центар, Саша Богдановиќ, Димитров е идиот! Иако експлицитно не го споменува и името, од неговиот ФБ статус и контекстот во кој се споменува, може слободно да се претпостави дека станува збор за министерот за надворешни работи, Никола Димитров.
Богдановиќ го честиташе врачувањето на Нобеловата награда на австрискиот писател Петар Хандке и притоа изнесе и став за тоа што мисли за бојкотирањето на церемонијата од страна на Македонија.
Македонија се солидаризираше со Косово, Албанија, Босна и Херцеговина, Хрватска и Турција, кои ја бојкотираа церемонијата во Шведска поради ставовите на Хандке во минатото, кој јавно застануваше зад режимот на Милошевиќ и неговите воени активности во регионот.
За ова на социјалните мрежи со свој пост се јави и министерот Никола Димитров.
