Докторката Гордана Николиќ цели 40 дена се лекуваше од Ковид 19. Зошто толку долго траело лекувањето Николиќ во разговор за Алсат вели дека одговорот треба да го дадат здравствените власти.
„И вториот тест е негативен, но уште поткашлувам и не сум во состојба да зборувам за медиуми“, вели др. Николиќ.
„Сѐ започна како обичен грип и еве и по речиси месец и пол уште ги чувствувам последиците. И вториот тест е негативен. Се надевам дека ќе можам да се вратам на моето работно место за околу две недели“, вели Николиќ за Алсат ТВ која од Ковид 19 се зарази на своето работно место во кумановската болница.
Директорот на Центарот за јавно здравје Ариф Љатифи за Алсат вели дека нема правила за лекување од оваа болест бидејќи заздравувањето зависи од редица фактори. Има случаи кај кои подолго време трае лекувањето дури и по цели два месеци, а има заболени кои се излекувале и за 16 дена, вели тој.
Во градската болница 8 Септември за првпат во државава беше тргнат пациент заболен од Ковид 19 од респиратор. Директорот Христијан Костов за Алсат вели дека 37 годишниот пациент кој пред три недели бил во тешка состојба сега е во добра здравствена состојба.
„Пациентот сам дише, зборува, свесен е. Не е на распиратор и веќе 24 часа е ослободен од респиратор. Ако така продолжи и е во добра состојба во наредното деноноќие ќе биде преместен од Интензивна нега на Оддел. Пациентот неколку дена прима озонска терапија, има протокол на лекување и му даваат антибиотици и антиинфламаторни лекови, вели д-р Костов, за Алсат ТВ.
Извор:АлсатМ
