Комисијата за заразни болести денеска ќе препорача до Владата нов пакет на рестриктивни мерки кои се однесуваат на периодот од 18 декември до 21 јануари, а оттаму велат дека се со цел да се избегне зголемување на бројот на заболени од ковид 19 во престојниот период на празници.
– Препораките за рестриктивни мерки се насочени во неколку сегменти и тоа во делот на реорганизација на работното време на угостителите, препораки за јавни собири, препораки до верските заедници, до работните организации и препорако кои се однесуваат на работата на рестораните во хотелските објекти – изјави министерот д-р Венко Филипче.
Според препораката угостителските објекти наместо како досега до 21 часот, ќе работат до 18. Останува на сила и забраната за собири на јавни места и се апелира до единиците за локална самоуправа да го засилат надзорот за почитување и спроведување на оваа мерка. Се препорачува забрана за групирање по плоштади за дочек и прослава на Новата година како и секаков вид на собири во периодот на празниците. А предлог на Комисијата е да се забранат и секакви прослави во рамките на работните организации. Останува и апелот да не се излегува од дома без потреба, но сега по 18 часот
