Среде степата во Казахстан се формирал огромен „вулкан од мраз“.
Во таа област, зеленилото цвета во текот на летото, додека со доаѓањето на зимата и силните мразови се појавува ова чудо на природата.
Според телевизијата „Звезда“, ефектот од ерупцијата се постигнува поради артешката вода под земјата кога температурите се под нулата. Висината на таквата природна „статуа“ може да достигне 14 метри.
И’ покрај фактот дека ова обележје се наоѓа доста далеку од главниот град на Казахстан, поточно на четиричасовно возење, таму секогаш има многу луѓе.
„Петстотини километри до таму и назад, а јас останав само 20 минути. Но, вредеше. Се работи за неземна убавина”, напишала еден од кориснчките на Инстаграм.
Сите брзаат да се фотографираат со „ледениот вулкан“ додека мразот не почне да се топи. Туристичките агенции дури организираат специјални патувања до него.