Можни се нови ограничувања на есен, но само за невакцинирани
Министерот за здравство Венко Филипче, изјави дека голем удел во бројот на новозаразени со вирусот во овој период се патниците кои доаѓаат од странство и дека се уште се утврдува дали се носители на варијантата делта .
– Најдобра заштита од коронавирус и сите мутации што се случија досега се вакцини и не можеме да живееме со ограничувања засекогаш – рече Филипче во изјава за ТВ Телма.
Тој смета дека е доволно граѓаните да бидат свесни дека треба да се вакцинираат.
Филипче повтори дека, и покрај зголемувањето на бројот на новозаразени, засега нема да се воведат рестриктивни мерки.
Според него, евентуалните ограничувања ќе бидат воведени наесен, и ќе важат само за невакцинирани граѓани.