Во пишаните медиумите можеше во рок од два дена да се забележат два посебни огласи за чистење на Охис, фирма во стечај, во оглас распишан од стечајниот управник. За да се исполнат условите за првиот оглас фирмата која ќе се пријави на тендерот треба има гаранција од 300 илјади евра. За следниот ден, да се објави нов оглас и со истиот гаранцијата која се бара да се зголеми за три пати и да изнесува 1 милион евра, која заинтересираната фирма треба да ја приложи при учество на тендерот.
Познавачите на регулативата велат дека со ова се има за цел да се намали бројот на компании кои би можеле да се пријават и учествуваат на тендерот. Па следува легитимното прашање, за кого се местат условите и кој треба да го добие овој тендер?
Дали овој тендер ќе биде уште еден во низата наместени тендери за исплата на партиските војници или спонзори? Кој треба да го добие тендерот за условите за учество да се менуваат преку ден?
Опозициската ВМРО-ДПМНЕ го обелодени и скандалот со ископ на јаглен во РЕК Битола кога АД ЕЛЕМ неосновано раскина договор за ископ на јаглен и склучи договор во 4 очи, за 1 милион евра повеќе од првично предвиденoто.