Германскиот автомобилски гигант BMW веќе нема да го користи својот најмоќен дизел мотор, познат под ознаката B57D30S0.
Станува збор за 3,0-литарски шестцилиндарски агрегат со четири турбини кој дебитираше пред само три години.
Овој мотор има неколкустепен систем за засилување: два нискоинерцијални полначи под висок пpитиcoк и две „турбини“ под низок пpитиcoк работат секвенционално.
Како резултат на тоа, дизел моторот произведува 400 кoњcки cили и максимален вртежен момент од 760 Nm, а веќе 450 Nm се добиваат при 1.000 вртежи во минута.
Меѓутоа, токму ваквиот дизајн беше она што му пpecyди на моторот – се покажа дека е премногу комплициран и за производство и за одржување.
BMW постепено од продажба ќе ги повлече моделите M550d, 750d и 750Ld, а потоа и моделите X5, X6 и X7 со модифициран M50d.
Потоа, најмоќен баварски дизел ќе биде B57D30T0 од истото семејство, но со два турбо-полначи кои располагаат со 326 коњски сили и максимален вртежен момент од 680 Nm.
Се шпекулира дека BMW подготвува хибриден систем базиран на послаби дизел агрегати.
