„Луѓето не треба да се плашат од храна, пакување на храна, или преработка и испорака на храна“, рече шефот на програмата за итни случаи на СЗО, Мајк Рајан, на брифингот во Женева на 13 август. „Нема докази дека храната и ланецот на храна учествуваат во пренесувањето на овој вирус. И луѓето треба да се чувствуваат безбедно“, изјави Рајан откако два града во Кина соопштија дека биле пронајдени траги од коронавирус во увезена замрзната храна и во пакување храна, зголемувајќи ги стравувањата дека загадената пратка од храна може да предизвика нови појави на коронавирус.
Наводите на СЗО дојдоа во момент кога бројот на починати од коронавирус во светот според извештајот на универзитетот „Џонс Хопкинс“,помина 750.000. „Овој вирус има долго е тука, ако го дозволиме тоа. Огромно мнозинство луѓе остануваат подложни на оваа инфекција“, рече Рајан. Латинска Америка и Карибите се актуелниот епицентар, со речиси една третина од сите смртни случаи, повеќето во Мексико и Бразил.