Откако сопругата на Орце Камчев, Ана Камчева заврши со своето сведочење, сега во судницата сведочи сметководителката на Камчеви, Мирјана Бошкова. Обвинителката Вилма Русковска ја запраша дали во периодот ноември декември има вадено пари од смеките на Камчеви.
-Да во декември имам вадено на три пати поголеми суми на средства од приватната сметка на Ана Камчева, од приватната сметка на Ратка Камчева. Тие пари што беа извадени требаше да ги направам во евра, а потоа да ги дадам на семејството. Исто така има извадено како евра, во еден ден се извадени поголеми суми од сметката на Кристина Камчева Стојчевска и Ратка Камчева.
Таа вели дека извадила 12 милиони денари, 5 милиони денари и нешто повеќе од 5 милиони денари во три наврати. Парите ги менувала во менувачница, а дел од еврата и ги предала на Ана Камчева во Орка Холдинг. Другиот дел од парите и ги дала на Камчева во нејзиниот дом.
