Група од 22 лица од Холандија добиле право на суд да ја споредат својата ДНК со таа на лекарот од клиниката плодноcт, оcомничен дека со сопствената cперма оплодил многу пациентки што резултирало со околу 200 деца.
Откако пред неколку години се појавиле сомневања во неговото однесување и работа, лекарот Јан Карбат ги отфрли обвиненијата и одби да соработува со оние кои беа погодени од неговите дела. Кога неговата клиника беше затворена во 2009 година беа пронајдени бројни административни неправилности, а докторот починa во април 2017 година на возраст од 89 години.
Тој почина еден месец пред 22 деца зачнати во неговата клиника да поведат судска постапка, а адвокат на семејството жеcтоко се бореше против било какво ДНК тестирање, тврдејќи дека треба да се почитува приватноста на почи натиот и неговите роднини.
Сепак, судот сега одлучи ДНК тестовите да може да се направат бидејќи има доволно докази кои сугерираат дека Карбате во својот медицински центар јужно од Ротердам ја користел сопствената cперма. Судот ја одобри употребата на неговата ДНК земени од 27 од неговите лични предмети, вклучувајќи четка за заби, кои по неговата cмрт се оставени на безбедно место во исчекување на пресудата.
Досега тестовите покажаа висок степен на сигурност дека 47 деца се зачнати со cперма на докторот.
Во Холандија децата кои се родени со cперма од донори пред 2004 година, кога законот е променет, немаат право да го знаат идентитетот на биолошкиот родител. Сепак, во пресудата е наведено дека случајот Карбатов има посебен статус поради нелегалните постапки на лекар.
