На вчерашната владина седница беше усвоена информацијата за склучување договор за преземени обврски помеѓу Владата и Глобалниот сојуз за вакцини (GAVI ALLIANCE), за набавка на вакцини за Ковид-19 преку COVAX механизмот за обезбедување глобален и рамномерен пристап до безбедни и ефективни вакцини протв коронавирусот.
Како што информираат од владината прес-служба, на седницата прифатен е текстот на Обврзувачкиот договор за набавка на вакцините.
Владата побара од Бирото за јавни набавки да предложи најсоодветен начин за остварување на оваа набавка и го овласти министерот за здравство, Венко Филипче, да го потпише договорот за преземни обврски со Глобалниот сојуз за вакцини.
Во координација со Министерството за финансии и Генералниот секретаријат на Владата треба да се обезбедат потребните финансиски средства за да се изврши уплата на аванс и да се обезбеди финансиска гаранција согласно потпишаниот договор за преземени обврски со GAVI ALLIANCE .
Бил и Мелинда Гејтс Фондацијата во 1999 година донира 750 милиони долари за старт на ГАВИ алијансата за вакцинација. До ден денес Фондацијата на Гејтс има инвестирано повеќе од 4 милијарди долари во ГАВИ алијанската.
Поради поддршката на Фондацијата на Гејтс, милијардерот и неговата невладина организација имааат постојано седиште во бордот на ГАВИ.
За ГАВИ, Гејтс вели „најдобрата инвестиција која некогаш сме ја имале“.
Извор: GAVI
