На судењето рекет се читаат материјални докази, односно обвинителството пред судот презентира што одзело од обвинетите Бојан Јовановски и Катица Јанева. Боки 13 побара гардеробата и одземените предмети од неговиот дом во Орман, да бидат донесени во судница и да се презентираат. Во домот имал мебел од брендот Зебрано, како перници, фотеља, столици, трпезариска маса, меѓу одземените предмети се и фигура во облик на мајмун и фигура во облик на куче.
Од домот во Орман на Боки му ги зеле и украсните предмети како лустерите, но и телеверзор. Во претрес на неговиот домот на неговите родители, од мајка му се одземени 100 банкноти по 50 евра, односно 5.000 евра. При претресите најден е и бел лист каде имало потпис од Фросина Ременски и пишува “Фросина предлага”.
Обвинителката Ивана Трајчева пред судот презентира одземена брендирана гардероба од Јовановски, десетина капути, јакни, сакоа, панталони, чизми, кондури, патики, очила, додека за одземените предмети на Јанева имаше само една кожена ташна од марката Луи витон, од техника и се одзеле лаптопи, телефони и усбиња.
Боки 13 на одморот на Миконос, за кој вчера сведочеше тв водителката Лила Стојановска, имал спакувано и апостолки кои биле марка.
При крајот на денешното судење, Јовановски ќе се обрати пред судот.
