„Генералниот секретар на Движењето Беса Аднан Азизи и испрати порака на ДУИ преку своја објава на фејсбук. Тој напиша дека ДУИ прешла во хистерија, поради загубата на Тетово и оти нападите, кои таа ги врши врз Беса, само уште повеќе ја засилуваат неговата партија.“ – јави информативната агенција на албански јазик ИНА.
ИНА ја пренесува интегрално објавата на Азизи на неговиот фејсбук – профил:
„Железото се стврднува во огнот: специјалната и невидена војна, што деновиве ја водите против Движењето Беса, само ги засилува нашите редови и не прави посилни да ве поразиме во следните битки.
Победата во Тетово толку многу ве истрауматизира, што влеговте во хистерија. Бесните напади сведочат за паниката од следната загуба.
Не заборавајте дека и вие имате свое седиште – змиско гнездо на нашиот олтар, во Тетово на Беса!“