Реакцијата на еден од учесниците на протестот на „За заедничка Македонија“, ем ќе ве насмее, ем ќе ви укаже до каде е отидена поделеноста во нашето општество
Поделеноста кај граѓаните врз политичка основа не е ништо ново. Не е ново ниту тоа дека медиумите во извештаите од случувањата на политички план покажуваат наклонетост кон едната, или кон другата страна. Сето тоа се рефлектира и во размислувањето и однесувањето на граѓаните кои во зависност од нивната политичка приврзаност се појавуваат на едни, или на други настани.
Граѓаните, како што се поделени во ставовите, станаа поделени и во односот кон телевизиите, весниците, порталите. Тоа јасно се виде и на протестите што ги организира иницијативата „За заедничка Македонија“, каде демонстрантите не покажуваат голема наклонетост кон телевизиите кои ги сметаат за пропозициски настроени.
Така и еден од учесниците на протестот, додека даваше изјава за телевизијата „Телма“, откако му беше укажано од која телевизија го снимаат, од само нему познати причини, избега бргу од телевизиската екипа.
