Како политичка партија цврсто стоиме на ставот одлучно да се каже НЕ на платформата што беше скроена надвор од Република Македонија, во Тирана, во декор што потсетува на едни национал-романтичарски идеи споменати во 1878 година во призренската лига, изјави Кирил Миноски од ВМРО-ДПМНЕ.
-На еден суптилен начин, постизборно се настојува да се пласира во јавноста една платформа чија што крајна цел е редефинирање и постепено разнебитување на Република Македонија, нејзина трансформација од историска држава во која е распространета рамноправност на сите народи, во една бинационална држава, а познато е дека во Европа такви бинационални држави речиси и да не постојат, коишто имаат карактер на унитарност. Од тие причини уште во предизборието јасно ги деклариравме нашите ставови дека целта е да се зачуваат сувереноста и независноста на Македонија, дека сме подготвени да правиме Влада, да продолжиме со реформите во економската сфера, со демократизација на општстевото со цел креирање Македонија што ќе биде во интерес на сите граѓани и таа политика ја продолжуваме и во постизборниот период“, изјави Миноски, во интервју за ТВ НОВА.
