Две лица биле застрелани од страна на американските војници на аеродромот во Кабул, потврди Пентагон, менуваќи ја претходната изјава дека сите седуммина кои загинаа настрадале во стампедото од луѓе кои се обидуваат да се качат во авионите и да ја напуштат земјата.
Откако Талибанците го зазедоа Кабул, Авганистанците побрзаа кон аеродромот во обид да ја напуштат земјата, некои од нив трчаа на пистата покрај авионот што се подготвуваше за полетување. Имаше и такви што се закачија за авионот.
Седум лица загинаа во хаосот на аеродромот во Кабул, вклучувајќи ги и оние што паднаа од американскиот воен транспортен авион, пренесува Танјуг.
И двете лица, како што изјави портпаролот на Пентагон, биле вооружени.