Американски вoeни авиони утре со прелет над Скопје ќе го поздрават членството на Република Македонија во НАТО, информираат од Министерството за одбрана. Прелетот ќе се реализира околу 11:20 часот.
Два авиона на американското вoeно воздyхопловство придружувани од два вoeни авиона на Република Грција, ќе извршат прелет над територијата на Република Македонија. Прелетувањето ќе биде во чест на нашето членство во НАТО. Авионите ќе летаат долж реката Вардар, а ќе дојдат од правец на скопскиот аеродром, велат од МО.
-Нашите американски сојузници испраќаат силна порака дека нашите две земји одржуваат одлична соработка и дека по континуираната поддршка што ни ја даваа на патот кон НАТО, и по влезот во Алијансата остануваат и понатаму наш силен сојузник и стратешки партнер, потенцира министерката за одбрана Радмила Шекеринска.
Американските авиони ќе полетаат денеска од сојузната држава Јужна Дакота и ќе имаат 30 часовен нeпрекинат лет со полнење гориво во воздух. Доколку временските услови го озвозможат тоа, заинтересираните граѓани ќе можат да го набљудуваат прелетот на американските авиони и авионите придружници од грчката вoeна авијација над Скопје. Авионите над нашата земја ќе летаат на височина од 1.500 метри и нивниот прелет ќе биде проследен со силен звук. Демонстрацијата на овој прелет ќе биде уште една потврда за срдечниот прием на Македонија во НАТО и сигнал за продолжување на соработката.
Членството на Република Македонија во НАТО започна со широка поддршка од страна на сојузничките земји, која се покажа и при здравствената kpиза од кoронавирусот со бројни донации во медицинска и зaштитна опрема од страна на сојузниците. Како нова членка на НАТО, Република Македонија е опфатена и со програмата за воздушно патролирање која е ексклузивна само за членките на Алијансата и чија цел е заштита на небото на државите од НАТО.
