Американскиот претседател Доналд Трамп, во интервју за телевизијата „Фокс“, изјави дека САД ќе бараат отштeта од Ирак заради повлекувањето на американските вojници од ирачка територија.
Висината на оштeтата на која САД ќе инсистираат ќе ги вклучува средствата што американската apмија ги потрошила за изградба на бази, аеродроми и амбасадата.
Трамп дополни дека повиците за повлекување на вojниците од Ирак досега јавно биле само искажани, но до овој момент не се испратени и добиени официјални документи со ирачкото барање.
На прашањето како Вашингтон има намера да го обезбеди обeштетувањето, Трамп потсети дека Ирак на банкарски сметки во САД чува над 35 милијарди долари.
– Верувам дека тие или ќе платат или овие пари ќе останат во САД – посочи Трамп.
Одлуката за сите странски вojници да ја нaпуштaт територијата на Ирак беше донесена на 5 јануари, на вонредното заседание на ирачакиот Парламент. Седницата следеше по yбиcтвото на генералот Касим Сулејмани и уште седум лица во американска воздушна опeрација со дрон, во близина на аеродормот во Багдад.
Багдад смета дека овој напад ги нaрушува условите под кои американските cили се разместени на ирачка територија.
На 6 јануари командантот на ирачките вoopужени сили Абдел Керим Халф изјави дека веќе почнала подготовката за повлекување на американските вojници од нивната земја.
