Премиерот на Србија, Ана Брнабиќ, денес соопшти дека Србија е во преговори со рускиот институт Гамалеја во врска со дополнителни количини вакцини Спутник V, но и за набавка на нова вакцина Спутник лајт.
Вакцината Спутник лајт е вакцина која, како што е најавено, не бара ревакцинација.
По средбата со чешкиот премиер Андреј Бабиш, на прашање од чешките новинари, какво е искуството на Србија со руските вакцини, Брнабиќ одговори дека Србија е во преговори со партнерите од Руската Федерација за производство на вакцината Спутник на Институтот „Торлак“.
Таа исто така најави дека делегација од Русија утре пристигнува во Белград со цел да ги продолжи разговорите. Се надеваме дека ќе бидеме една од земјите што ќе произведуваме една од вакцините против коронавирусот – рече Брнабиќ.
Таа пренесе дека Србија има искуство со три вакцини во земјата и тоа Фајзер-Бионтек, Спутник и Синофарм.
- Како некој што не е експерт за овие работи, не можам да проценам што е подобро, но ми се чини дека сите се подеднакво добри. Најважно е вакцините да бидат безбедни и луѓето да се вакцинираат, а безбедноста е потврдена неколку пати – објасни Брнабиќ.
Таа посочи дека испораката на дополнителни 50.000 руски вакцини пристигна вчера во Белград, додавајќи дека вакцината има една специфичност, односно се разликува од другите по тоа што има различни вакцини и ревакцини.
- Сите луѓе што ги познавам и знам многу од нив кои примија вакцина Спутник, немаа никакви ефекти. Значи, очекувам што побрзо да добиеме голем дел од два милиони вакцини што ги нарачавме – додаде Брнабиќ.
Бабиш истакна дека е познато дека ЕУ го покани производителот на вакцина Спутник Ве да се регистрира во Европската агенција за лекови (ЕМА), а поканите ги испратија германската канцеларка Ангела Меркел и австрискиот канцелар Себастијан Курц поради недостаток на вакцини во ЕУ. кои се обидуваат да ја добијат руската вакцина директно затоа што не е сигурно дали руската компанија побарала одобрување од ЕМА.
- За нас е важно да добиеме што повеќе безбедни вакцини – подвлече Бабиќ, посочувајќи дека има проблеми со испорака на нарачаните вакцини.
Тој изјави дека компанијата „Модерна“ вчера објави дека ќе испорача 50 проценти помалку вакцини отколку што е нарачано. Бабиш додаде дека Чешка нарачала 8,4 милиони вакцини и дека нема гаранција дека испораките ќе бидат исполнети според договорените количини и месеци.
Тој посочи дека тие сакаат да ја произведуваат руската вакцина во Австрија и Словачка и дека е важно да се напушти политиката кога станува збор за здравјето на луѓето.
