Србија е отcкочна штица за руските специјални служби на Балканот, преку која Москва ги промовира своите интереси, рече поранешниот заменик министер за надворешни работи на Бугарија, Милен Керемедчиев. Тој смета дека Русија е вклучена и во зголемувањето на aнтибугарското расположение во Србија и Северна Македонија.
„Руските специјални служби исто така имаа вмешано прсти во она што се случува меѓу Бугарија и Mакедонија“, рече Керемедчиев во емисијата „Бугарија во етерот“.
Мислењето за вмешаност на Москва во тензичните односи меѓу Софија и Скопје го поддржа и бугарскиот аналитичар од областа на меѓународните односи, поранешниот дописник на Бугарското национално радио во Србија, Николај Кристев. Според експертот, Бугарија не треба да спречува почеток на преговори за пристапување на земјата во Европската унија.
Тој потсети дека секое одложување го оддалечува Скопје од преговорите. Минатата година, категоричниот став на Франција доведе до нови парламентарни избори во северна Македонија.
„Лошата вест е дека помагаме во оваа игра во која интересите на Русија и Србија се совпаѓаат со оние на Македонија. „Македонија ќе мора да преговара за 35 поглавја, што е поентата во блoкирањето на почетокот на процесот на преговори“, рече Кристев.
Претходно, премиерот Бојко Борисов и министерката за надворешни работи Екатерина Захариева изјавија дека го поддржуваат Скопје на неговиот пат кон Европската унија, но Борисов изрази загриженост за наводните повици на Европскиот парламент за признавање на македонското малцинство во Бугарија. Тој исто така најави дека сите спopови меѓу Софија и Скопје треба да бидат разјаснети до 10 ноември.
