Историчарот од Бугарската академија на науките и автор на книгата „Република Македонија во современата геополитика“ Воин Божинов, констатира дека во последниве години, бугарската дипломатија е под притисок на важни фактори од Западот поради Македонија и многу е веројатно дека новата администрација на Белата куќа ќе изврши притисок Софија.
За Бугарското национално радио (БНР) Божинов вели дека голем проблем за бугарската влада ќе биде да го зачува бугарскиот национален идентитет наспроти една идеологија која станува се поагресивна.
„Македонизмот исто така бара европски легитимитет. Ако го дозволиме ова, нема враќање назад … Фактот што некои земји молчат во моментот не значи дека бугарската позиција не се слуша, секој ги следи своите интереси”, вели Божинов, пренесува Њуз.бг.
Тој верува дека официјален Берлин ќе продолжи со својата позиција, што ќе ја стави Бугарија со тежок избор.
Бугарија е во многу деликатна ситуација. Грција ги изми рацете на величенствен начин со Договорот од Преспа, а пред европската јавност ние сме главниот виновник за одложувањето на процесите на евроинтеграција на Западен Балкан, смета историчарот.
„Нашата цел е да го минимизираме влијанието на македонизмот во Северна Македонија … македонизмот е расистичка теорија.
Радува фактот што бугарското општество стои зад политичката класа по прашањето за с Македонија, вели Божинов.
