Во врска со европската интеграција на Република Македонија, премиерот Бојко Борисов истакна дека Бугарија отсекогаш била подготвена за дијалог и разбирање за решавање на билатерални прашања, но за таа цел мора да има желба и исполнување од двете страни.
Ова го рече денеска бугарскиот премиер Бојко Борисов на видеоконференцијата за одобрување на следниот буџет на ЕУ и Пакетот за закрепнување, со амбасадорите на земјите-членки на ЕУ во Софија, соопшти владината прес-служба на Бугарија, кога бил запрашан од дипломатите за надминувањето на спорот со Македонија, пренесуваат бугарските медиуми.
Тема на разговор, покрај справувањето со коронавирусот, била и европската перспектива на Западен Балкан.
Македонскиот државен врв во моментов остава можност земјата да добие датум за преговори со ЕУ до крајот на годината, иако шансите за тоа се мали.
