Богдан Илиевски, еден од водачите на граѓанската иницијатива „За заедничка Македонија“, им се обраќа на тие што го славеа Договорот за пријателство со Бугарија по изјавата на бугарскиот претседател Румен Радев дека ќе ја поддржат Македонија, „ама не на сметка на бугарската историја, јазик и идентитет“.
„Исто така ‘во главата на ВМРО-вците’ беше и штетноста на договорот со Бугарија со клаузулите за заеднички историски комисии, односно отворањето можност со наш потпис Бугарија да поставува блокади кога и да одлучи дека ‘бугарските интереси се загрозени’. Претседателот на соседите И ТОГАШ и сега има ист став – ‘нема виза и поддршка, ако не се сложите со нашето толкување на историјата’. Ама не, не се читаше тогаш ништо. Сè што ќе се кажеше против вклучување на историјата во договорот беше злокобна ВМРО-вска пропаганда. На фанфари се славеше потписот на договорот.
Епа еве, повелете. Шмирглајте шахти сега“, порача Илиевски преку Фејсбук.
