Владата донела одлука за селективно зголемување на платите на вработените на овие институти (сите членки на УКИМ) за 25%. Барањата на колегите од хемија (ПМФ) и нивниот мирен протест не беа ни нотирани, иако најуспешната академска институција има најниски плати, пишува професорката Билјана Ванковска која очекува дека научниот кадар кој треба да добие повисоки плати ќе биде доблесен и нема да учествува во манипулациите на власта.
“Во предизборие, ваквата одлука не само што е популизам, туку е и политичка корупција, награда за оние кои треба да се откажат (или веќе се откажаа) од историјата, јазикот и културата на македонскиот јазик. (Секоја чест на исклучоците. А имам разбирање и за реално ниските примања.)
Но, една академска заедница со интегритет би му порачала на премиерот дека не е на продажба, и не сака да биде соучесник во политичкиот инженеринг и измамите на оваа елита. Освен тоа, сите ние знаеме дека ваквите покачувања на платите се поради се’ поголемото задолжување на земјата”, ја објаснува Ванковска својата позиција.
