Низ солзи, со растреперен глас, мајка едвај ја објасни стресната ситуација низ која поминала откако градоначалникот на Бутел, како што вели таа и се заканувал преку СМС пораки дека ако не излезе да гласа ќе биде избркана од работа
Како што додава гледачката на утринската програма на Канал5 телевизија, таа и нејзиниот сопруг биле малтретирани, а лично од градоначалникот на Бутел им било пренесено и телефонски но и по СМС порака дека ако не излезат да гласаат ќе биде избркана од работа.
„Кога видоа дека не сум излегла да гласам, ме немало на список, другиот ден ме избркаа од работа“ – вели мајката на дете со посебни потреби, низ солзи и со растреперен глас во своето телефонско јавување на Канал5 телевизија.
Таа објаснува дека притисокот бил дотолку интензивен на денот на гласањето, откако било увидено дека референдумот нема доволна излезност.
Слушнете и самите низ каква голгота поминала жената.
