По вчерашната победа над Казахстан, на последниот контролен натпревар пред настапот на Европското првенство, денес селекторот Игор Ангеловски и македонската фудбалска јавност, добија уште една убава вест. Енис Барди го прими посакуваниот негативен тест за коронавирус и ќе биде подготвен за настапите на континенталниот собир.
Членот на Леванте по пристигнувањето во Македонија беше позитивен на ковид-19 и мораше одреден период да мине во самоизолација, но проблемите со вирусот веќе се надминати и Барди веќе им се приклучи на своите соиграчи, кои го пречекаа со братска прегратка во хотелот.
Пречекот на Барди објавен на Спортманиа:
Македонија своето деби на Европското првенство ќе го има на 13 јуни против Австрија во Букурешт, каде ќе се сретнеме и со Украина. Во последното коло од групната фаза наш противник ќе биде Холандија.
