Како жена, згрозена сум од нивото на говор на премиерот Заев на митингот на СДСМ во Општина Аеродром, реагира Жаклина Пешевска од ВМРО-ДПМНЕ.
„Најостро ја осудувам постапката на премиерот, со правење гестикулации со раката да споменува една жена, која е сопруга и мајка и одлучила да се кандидира за градоначалник на Скопје. Верувам дека премиерот и СДСМ при потпишувањето на етичкиот кодекс за фер и демократски избори, не мислеа дека ќе водат ваква кампања. Ја повикувам претседателката на форумот на жените на СДСМ, Снежана Калевска Ванчева, да ја осуди постапката на премиерот Заев и да застане во одбрана на една жена во политиката. Ваквите постапки се недозволиви и од причина што во тек е кампања под насловот ’Заокружи НЕ за насилство врз жените во политиката‘, која кампања верувам дека СДСМ не само декларативно, туку вистински ја поддржува“, напиша Пешевска на Фејсбук.
Објавата на Фејсбук може да ја погледнете ТУКА.
Видеото може да го погледнете ТУКА.
