Премиерот не верува дека ќе има проблем со излезноста во вториот круг на претседателските избори што ќе се одржи на 5 мај, односно дека ќе има цензус, но сепак доколку нема 40 отсто излезност тој вели:
Се консултирав со Дескоска, таа е мој прв правник во Владата. Ми рече дека преку промена на Уставот може да се избере претседател на државата на два начини – или да се тргне цензусот, или да се изгласа претседател во самото Собрание, изјави премиерот Зоран Заев, во синоќешното гостување во емисијата „Клик Плус“ на ТВ21.
Тој рече дека не верува дека ќе пропаднат претседателските избори.
На референдумот имаше 37 отсто излезеност и тоа со болно прашање за македонската етничка заедница. Дури и со бојкотирање ќе може да се исполни цензусот. Но јас не верувам дека опозицијата ќе бојкотира, рече Заев.
