| Мартина Шушиќ од Психијатриската болница Угљан кога упати јавен апел за помош за нејзините пациенти, не претпоставуваше што ќе предизвика. |
Таа според хрватскиот портал Zadarski.hr, побарала помош во облека и обувки, а вчера река од луѓе и возила го блокирале сообраќајот кои носеле тони облека спакувани во кутии во различни големини.
Мартина, како што пренесуваат хрватските медиуми, била таму, го гледала сето тоа, стоела и само плачела.
Немам зборови. Знаев дека ќе дојдат луѓе бидејќи тоа што го напишав на Фејсбук и апелирав преку медиумите допре многумина. Но, ова е неверојатно. Ми се јави и директорот и ми рече „Малечка, го блокира целиот соообраќај“, им кажа Мартина на новинарите.
Таа рече дека не може да верува колку се луѓето подготвени да помогнат во овие тешки времиња. Ова само покажа колку имаме емпатија и колку сме како народ тука едни за други кога најмногу си требаме, додаде таа.
Луѓето кои носеа помош, сликаа, снимаа, скокаа, ги повикуваа пријателите, спонтано се смееа, горди на себе и на другите. Горди на Мартина, но и Матија, младата студентка која паралелно собира помош на островот Угљан. Помошта побарана од овие девојки пристигна и од Австрија, Германија, Швајцарија. Освен што има малку средства, болницата во Угљан во последната недела се бори и со коронавирусот кој влезе внатре меѓу пациентите. Освен што има малку средства, болницата во Угљан во последната недела се бори и со коронавирусот кој влезе внатре меѓу пациентите.
