Советникот во советот на општина Кисела Вода од редовите на ВМРО-ДПМНЕ Орце Ѓеоргиевски, организираше еколошка акција во населбата Драчево за отстранување на дива депонија.
Како што соопшти, Ѓеоргиевски, за потребите на акцијата ангажирани се багери и неколку камиони, кои собраниот смет од дивата депонија го депонираа во „Дрисла“.
„Малку чини – многу значи. Тоа значи и чиста општина, а кога е во прашање чистотата и здравјето на граѓаните, тоа нема цена.“ – вели Ѓеоргиевски.
Не смееме да дозволиме Кисела Вода да се претвори во голема депонија, додава тој, и вели дека драчевчани не заслужуваат да живеат во нечистотија.
„Нашите сограѓани заслужуваат да живеат во чиста општина, иако тоа не го разбираат властите. “
Затоа ние сме тука, волонтерски и самоиницијативно да ја сработиме работата, заклучува Орце Ѓеоргиевски.
Видео линкот може да го поглднете ТУКА.
