Во Белгија во тек е потрага по вооружен војник кој е во бегство откако упати закани кон јавни личности, вклучително и политичари и истакнат виролог.
Белгиската влада го идентификуваше војникот Јирген Конингс како потенцијален екстремист.
Тој зеде четири ракетни фрлачи и друго оружје од воената касарна пред да исчезне во понеделникот. Последен пат беше виден како го напушта својот дом во североисточната провинција Лимбург.
Властите го опишаа војникот како потенцијално исклучително насилен екстремист што претставува крајно десни ставови.
Тој наводно оставил порака во која изјавил дека нема да се предаде доброволно затоа што „тој повеќе не може да живее во општество каде што политичарите и виролозите ни одзедоа сè“.
Конингс испрати заканувачки пораки до јавни личности во последните неколку недели, вклучувајќи го и водечкиот белгиски вируолог Марк Ван Ранст.
Ван Ранст потоа бил префрлен на безбедно место со своето семејство.
Неколку часа по започнувањето на потрагата, полицијата го пронајде автомобилот на Конингс во блиската шума, во кој имало четири ракетни фрлачи и голема количина муниција. Се верува дека 46-годишниот избеган војник е сè уште вооружен и има панцир.
Локалните медиуми јавуваат дека во потрагата учествуваат и припадници на полицијата и армијата, кои цела ноќ со оклопни возила го барале Конинг.
Видеа и фотографии покажуваат воени возила кои пристигнуваат во националниот парк каде е можно да се скрие Конингс, пишува РТ.
🚨 Grosse présence militaire et policière dans le parc national de la Haute Campine pour retrouver #JurgenConings #LN24 pic.twitter.com/3ZnVqw1V50
— Romain Mayez (@RomainMayez) May 20, 2021
Властите затворија 112 000 хектари шума, лоцирана во близина на границата со Холандија. Неколку воени касарни во областа се затворени.
Белгискиот премиер Александар Де Крој објави дека Конингс порано упатувал закани и дека е неприфатливо таквиот човек да има пристап до оружје. Тој ја повика армијата да се погрижат ваквите инциденти да не се повторат.
